संसार

 सरता वैशाख वणवा

येई सृष्टीस बहार.

कष्टातूनच फुलतो

अवघा सुखाचा संसार.

                   अर्नदिप

                 

आव्हान

 उधळून टाकून सगळी आव्हाने,

क्षितिजा पल्याड तू झेप घ्यावी.

  तुझ्या नजरेतील अंगार बघूनच

संकटांनाही घेरी यावी.

                                  अर्नदिप

चूक

 चुकून वाट चुकणं

ही असू शकते चूक.

पण आपली वाट चुकत आहे

हे समजूनही मुद्दाम त्याच वाटेनं जाणं

ही असते विकृतीची भूक.

ही विकृतीची भूक वाढत वाढत जाते

ती वाढत जाताना आपल्या पापाचं

पारडं जड जड करत जाते.

                                 अर्नदिप

भरारी

 मार उंच तू अशी भरारी

अवकाशानेही बघत रहावे.

तुझ्या सामर्थ्याचे वारे

चहू दिशांना फिरत राहावे.

                      अर्नदिप

कसोटी

 पराभवाची फिकीर का आणि कशासाठी करायची?

आपण आपल फक्त प्रामाणिकपणे प्रयत्न करत राहायचं.

प्रयत्नांच्या जोरावर यशाचं शिखर सर करायचं.

आणि प्रामाणिकतेच्या कसोटीला खरं उतरायचं.

वाटा

 फुटत जातात वाटा

अन् सुटत जातात हात.

सुटलेल्या हातांची पुन्हा

कधीच पडत नाही गाठ.

                        अर्नदिप

आयुष्य

 पाकोळी प्रमाणे झालंय आयुष्य

बघता बघता एका क्षणात विरून जातं.

इतरांसाठी जगता जगता

स्वतः साठी जगायचं तेवढं उरून जातं

                                    अर्नदिप

वाट

 रुळलेल्या वाटेवरून तर सगळेच चालतात

कधी थोड्या अवघड वाटेनं ही चालून बघावं.

त्या वाटेने चालताना 

येईल तो अनुभव गाठीशी बांधून

पुढे जात राहावं.

                               अर्नदिप

प्रभात

 प्रभातीचा रंग आम्हा सांगतो

विकार सगळे सोडून दया म्हणतो.

रात्रीच्या गर्भात जसा उषःकाल उगवतो

तसेच सामर्थ्य अंगी बाणवावे

प्रत्येक संकटातून बोध हाच देतो.

                                अर्नदिप

रंग प्रभातीचा

 रंग प्रभातीचा असा खुणावतो,

निराशा सारी झटकुन दया म्हणतो.

नव्या दमाने नव्या उमेदीने,

स्वागत उगवतीचे करण्या शिकवतो.

                                  अर्नदिप

संघर्ष

 संघर्षाचे दिवस येतात आयुष्यात

त्यातूनच मार्ग काढत पुढे जायचं.

येणारा क्षण कसा का असेना

त्याचं हसतमुखाने स्वागत करायचं.

                            अर्न

दिप

पाऊलखुणा

 पाने पलटावीत तसे,

दिवस पालटत जातात.

यशापयशाच्या पाऊलखुणांचे

ठसे तेवढे मागे उरतात.

                   अर्नदिप

विचार

 विचाराने वागायचे.

विकारांना दूर सारायचे.

आयुष्यात येणाऱ्या प्रत्येक क्षणाकडून

रोज नवे काहीतरी शिकायचे.

                            अर्नदिप

आभाळ

 ज्याचं त्याचं आभाळ

ज्याला त्यालाच शोधावं लागतं.

वाट तर सारेच दाखवतात.

पण योग्य वाट निवडून त्या वाटेने

एकट्यालाच चालावं लागतं.

                              अर्नदिप

हिंदोळा

 सुख दुःखाच्या हिंदोळ्यावर

आयुष्य झुलत राहावे.

जे जे येईल जीवनी

आनंदाने झेलत राहावे.

                     अर्नदिप

स्वप्न

 थांबायचे नाही

पुढे चालायचे आहे.

स्वप्न पाहिले जे मनात

सत्यात आणायचे आहे.

                   अर्नदिप

मृगजळ

 फसवणाऱ्या ला वाटतं मी दुसऱ्याला फसवतोय

पण तो स्वतः च फसत असतो.

बऱ्या वाईट कर्माचा हिशोब

ज्याचा त्यालाच द्यावा लागतो.

वेळ जाते निघून आणि हाती पश्र्चाताप उरतो.

मृगजळमागे धावताना माणूस स्वतः च अडकून बसतो.

                                                  अर्नदिप

    

पाऊलखुणा

 व्यर्थ कशाला चिंता

त्या जळक्या लाकडांची.

भरायची ती झोळी आपली

यशाच्या पाऊलखूणांनी.

                         अर्नदिप

सामर्थ्य

 मनाच्या सामर्थ्यावरच तर

अवघं आकाश मुठीत घेता येतं.

योग्य दिशेने चालणाऱ्या पावलांना

तेव्हा यश सुद्धा अलगद कवेत घेतं.

                              अर्नदिप

अक्षय तृतीया आणि ईदच्या सर्वांना मनपूर्वक शुभेच्छा

 अक्षय सुखाची पखरण 

रोज अंगणात व्हावी.

सुख समृद्धीची किरणे

रोज दारात पडावी.

दूर व्हावी सारी निराशा

ओठी सदा हसू यावे.

अक्षय सुखाचे वारे

तुमच्या अंगणी वहावे.

रिती ओंजळ भरावी

दान सुखाचे घेऊन

अक्षयतृतीया अंगणी यावी.

                   अर्नदिप

विचार

 मनाच्या एका निर्धारावर 

अख्खं आयुष्य बदलून जातं.

विचाराने वागण्याचा अवकाश

केलेल्या प्रत्येक कष्टाचं चीज

यश रूपाने ओंजळीत येऊन पडतं.

                                  अर्नदिप

निर्धार

 निर्धाराने टाकलेलं एक पाऊल

अडचणींचे अवघड डोंगरही फोडून काढत.

आणि अडचानिंशी खेळता खेळता

यशाचं फूल अलगद ओंजळीत येऊन पडतं.

                                       अर्नदिप

वसंत

 निर्जन माळावरी फुलांना

बहर नव्याने आला.

संपली सारी निराशा आणि

वसंत पुन्हा भेटाया आला.

                       अर्नदिप

काटा

 बाभळीपेक्षाही काही माणसे

खरचं खूप भयानक असतात.

वाट दाखवणाऱ्या हातांनाच

कचाकचा टोचतात.

                     अर्नदीप

प्रयत्न

 प्रयत्नांच्या पाऊलखुणांच राज्य

जेव्हा रस्ताभर पसरत

क्षितिजाच्या पलिकडचं आकाशही तेव्हा

अलगद नजरेच्या टप्प्यात येतं.

                                अर्नदिप

सारीपाट

 जीवनाच्या सारीपाटावर रोज

डाव नवे मांडायचे.

हार जीत तर होतच राहते.

हारण्याला घाबरून

नव्याने जगणे का सोडायचे?

                                अर्नदिप

सूर्योदय

 कुठ जावं अन् कुठे थांबाव 

हे ज्याचं त्यालाच समजायला हवं.

सूर्य अस्तास जाण्याआधी च 

सूर्योदयाच दर्शन व्हायला हवं.

                         अर्नदिप