सोबत

 किती येतील किती जातील

जे खरेच आपले असतील

तेच खरेतर शेवटपर्यंत

आपल्या सोबत राहतील.

माती

 माती आणि माणसांच्यात

सहजतेने एकरूप व्हाव.

जसं बघता बघता कळीचं

अलगद फूल व्हाव.

सावली

 तुझ्या सावलीत माझी 

सावली हरवून जाते.

तुला मोठं होण्यासाठी

जणू मी छोटीच राहते.

तुळस

 अंगणातील तुळस

जसजशी बहरते.

गोड संसाराच गुपीत

साऱ्या जगाला कळते.

आयुष्य

 साज, सुर,ताल,लय

सारं सारं जमून जातं.

विश्वासाच्या धाग्यांनी जेव्हा

आयुष्य हसू लागतं.

जय शिवराय

 नतमस्तक मी त्यांच्या चरणी.

ज्यांनी केली स्वराज्य निर्मिती.

भगव्याचा राखून मान.

वाढवू स्वराज्याची शान.

शिवराय आम्हाला तुमची आन.

आमचा तुम्ही अभिमान.

दगड

 डोक्यामध्ये दगड घालून

सगळेच दगड फुटतं नसतात.

काही दगड प्रेमाच्या, मायेच्या

हळूवार फुंकरीने सुद्धा,

धडाधड कोसळून पडतात.

आभाळ

 

स्वप्न

 वाटेत काटे येतंच राहणार

त्यांना अलगद बाजूला सारायच.

त्यांना न घाबरता स्वप्नांवर विश्वास ठेऊन

पुढे चालत राहायचं

श्वास

 माझ्यात रूजण्या आधी मी

तुझ्यात रुजून जावे.

गीत बनावे श्वासाचे अन्

हृदयाने मंद सूर छेडावे.

धडधडावे ह्र्दयात तुझ्या

लकेर बनुनी प्रेमाची.

प्रत्येक क्षणी चाहूल लागावी,

तुला माझी अन् मला तुझी.

बीज

 माणसाने कसं बिजासारखं

मातीत पटकन रूजाव.

समोर कोणी का असेना

त्याला फळ रूपाने 

दानच देत जावं

उधाण

 अल्लड, उधाण वाऱ्याबरोबर

मंद झुळूक होऊन वहावं.

पोटातलं दुःख जसं सागरान

आतल्या आत  गिळावं.

      आराधना

नदी

नदीसारखं खळखळ खळखळ

वाहता आलं पाहिजे.

मनातलं दुःख मनात ठेऊन

आयुष्य जगता आलं पाहिजे.

                      आराधना

आयुष्य

 अवखळ अल्लड वाऱ्यासारखं

आयुष्य मस्त जगायचं.

बेभान होऊन आयुष्यातील,

आनंद शोधत राहायच.

                      आराधना

विश्वास

 विश्वास आणि संयम असला की

अवघड कोडी ही सहज सुटत जातात.

एकात एक गुंतलेल्या गाठी ही ,

सहजतेने उलगडत जातात.

               आराधना

वेगळी वाट

 काही वाटा येतात आयुष्यात

ज्या आपल्या नसतात च कधी.

पण आपली वेगळी वाट शोधण्याची

हीच तर असते खरी संधी.

                   आराधना

झाड

 झाडासारखं आयुष्य

थोडं माणसांनही जगावं.

ऊन,वारा, पावसात ही त्याला,

दुसऱ्याला सुखच देता यावं.

                      आराधना

               

आभाळ

आभाळाचं काय घेऊन बसलात

सगळं अवकाश हातात येईल.

फक्त प्रयत्न करत राहा.

साऱ्या जगांन कौतुक करावं इतकं

यश नियती नक्कीच तुमच्या ओंजळीत टाकील.

                                   आराधना

ज्योत

 हरले असेल कैकदा पण

पेटून पुन्हा उठते.

एक इवलिशी ज्योत मिणमिणती

मार्ग यशाचा दावते..

              आराधना