वेळ

 पडल्यावरही उठायला शिकता यायला हवं.

सांडलेल वेचत बसण्यापेक्षा मुठीत राहिलेलं

जपता यायला हवं.

वेळ निघून जाण्यासाठीच येतं असते

म्हणून तर प्रत्येक क्षणी आनंदाचं गाणं गाता यायला हवं

आशावाद

 आधारासाठी ज्या हातांकडे

आशेने हात मागावा

त्या हातांनीच हात अखडता घ्यावा

अशा वेळी मग आपणच आपल्या मनातील अन् मनगटातील जोर वाढवावा

अन् इतरांना आधार देता येईल इतका

आशावाद आपणच आपल्यात निर्माण करावा

पालवी

 उभं राहायचचं मनात असेल तर

सुरवात कुठूनही आणि कधी ही करता येते.

जळालेल्या अवस्थेत ही मग

अलगद एखादी पालवी

पुन्हा नव्याने जन्म घेते

महात्मा जोतिबा फुले

 शतकांचा अंधार दूर झाला

स्त्री शिक्षणाचा मार्ग खुला केला.

न्याय, निती अन् स्वाभिमानाने 

जूलमी राजवटी विरूद्ध लढा दिला.

विद्येची मशाल हाती दिलीत आमुच्या

स्त्री शिक्षणाचे जनक जोतिबा तुम्हाला

आमचा मानाचा मुजरा

पानगळ

 पानगळ झाली म्हणून

रूसून का बसायचं?

वसंताच्या आगमनासाठी

पुन्हा नव्याने सज्ज व्हायचं

वसंतातील प्रत्येक क्षणी

नवचैतन्याने पुन्हा न्हाऊन निघायचं

शब्द

 शब्दांच अन् आपलं नात

इतकं घट्ट असावं की

शब्दांनीच आपलं उत्तर दायी व्हावं.

आपल्या नंतरही आपण

शब्द रूपानेच उरावं

झरा

 आपल्या अंतरंगातील आनंदाचे मूकझरे

आपले  आपणच शोधावे.

कोसळणाऱ्या त्या धबधब्याखाली

भिजण्यातील नवचैतन्य मग

आपलं आपणच अनुभवावे

चटका

 ऊन लागतंय म्हणून

सारखं सावलीतूनच का चालायचं.

त्यापेक्षा उन्हातूनच चालून

प्रत्येक चटका सहन करण्या इतकं सामर्थ्य

आपणच आपल्यात निर्माण करायचं

कवडसा

 भोवताली नसला प्रकाश जरी

तूच तुझ्यासाठी कवडसा व्हावा

तुझ्याच प्रकाशाने मग

सारा आसमंत उजळून निघावा

झेप

उंच झेप घ्यायची असेल तर

पावलं हळूवारच टाकायला हवीत.

प्रत्येक गोष्टीचा सारासार विचार करूनच

भविष्यातील आव्हानं पेलायला हवीत

सामर्थ्य

सामर्थ्याने पंख पसरले की

आभाळ देखील मुठीत घेता येतं.

न सुटलेल्या कोड्याच गणित ही

चुटकीसरशी सोडवून देतं

ध्येय

 ध्येय इतुके उत्तुंग असावे की

क्षितिजानेही कवेत घ्यावे.

आत्म सन्मानाने जगता जगता

आयुष्याचे सोने व्हावे

क्षितिज

 नजरेत माझ्या फक्त आता

ते क्षितिज दिसते आहे.

प्रयत्नांच्या पाऊलखुणांनी

अलवार ते सजते आहे

वणवा

 वास्तव किती ही होरपळून टाकणारं असलं तरी

त्याच्या प्रत्येक ठिणगी कडे सकारात्मकतेने पहावं.

भविष्यातील सूर्योदयाच द्वार

या वणव्यातूनच शोधावं

भान

 भविष्यात उजेड आणायचा असेल तर

अज्ञानाचा अंधार दूर व्हायला हवा.

वास्तवाचं भान ठेऊन

आयुष्यातील प्रत्येक क्षण जगायला हवा

हसू

 सोडून द्यायला शिकलं की

आहे या परिस्थितीतही

छान जगता येतं.

चेहऱ्यावरचं हसू मग

आपोआपच परत खुलून येतं

प्रयत्न

 प्रयत्नांच्या पाऊलखुणांनी

अवघड वाटणारा रस्ता ही

खरंच सुखकर बनत जातो.

न सुटलेल्या गणिताचं कोडंही

अलगद सोडवून देतो

वेळ

 चांगली वेळ येण्यासाठी

वेळेला सुद्धा वेळ द्यायला हवा.

चिरंतन अस्तित्व टिकवण्यासाठी

आपला सूर्य सुद्धा

तितक्याच ताकदीने उगवायला हवा

स्वर्ग

 स्वर्गीय वाटणारी प्रत्येक गोष्ट

स्वर्ग असतेच असं नाही

वास्तवातील पणती सगळ्यांनाच 

भावते असं नाही

सत्य आणि मिथ्या यातील फरक

 ओळखता यायला हवा

भावनांचा गुंता हळूवार पणे

आपला आपणच सोडवायला हवा

आत्मसन्मान

 स्वार्थासाठी लाळ गाळून

नात्यांना सर्वश्रेष्ठ ठरवण्यापेक्षा

वाईटाचा निर्भयतेने प्रतिकार करून

आपल आस्तित्व निर्माण करावं.

त्यानंतरच आत्मसन्मानाने मिळवलेले यश

ताठ मानेन मिरवाव.

प्रश्न

 मनाच्या गाभाऱ्यात जेव्हा काही खदखदत

तेव्हा आपण फक्त शांत राहायचं.

मनातल्या मनालाच प्रश्न विचारून

त्याचं त्यालाच उत्तर शोधायला लावायचं

जगणं

 उद्याच्या सुंदर जगण्यासाठी

बळ भरावे पंखात

हसतमुखाने झेलत रहावा

होणारा प्रत्येक आघात

पायाभरणी

 उज्वल आयुष्यासाठी पायाभरणी

ज्याची त्यालाच करावी लागते.

अनुभवांची एक एक वीट रचून

तिला सकारात्मकतेच शिंपण करून

नवविचारांची पक्की इमारत बनवावी लागते.

चांदणं

 चांदण्यात भिजण्यासाठी

चांदणं पसरण्याची वाट कशाला बघायची.

स्वतःच चांदणं बनून

अविवेकाची काजळी दूर सारायची अन्

मुक्त हस्ताने इतरांसाठी

 चांदण्याची बरसात करायची.

    

सूर्य

 सूर्य पाळतो उशाशी

अन् वणवा साहतो आहे.

उजळण्या प्रकाशवाटा साऱ्या

आता स्वतः स जाळतो आहे.

भाऊबीज

 प्रेमाची भाऊबीज

घेऊन आली नवचैतन्याच्या ज्योती

भाऊरायाच्या दारी पडोत सदा

सुख समृद्धीच्या राशी.

आनंदाचा चांदोबा

तुझ्या गालात हसावा

माहेरचा उंबरा सदा

समाधानाने नटावा

बलिप्रतिपदा दिवाळी पाडवा

 चैतन्याने भरलेला दिवाळीचा पाडवा

दिवसेंदिवस वाढत जावो नात्यांमधील गोडवा.

ऋणानुबंधाची नाती अशीच दृढ व्हावी

नवी उमेद घेऊन प्रत्येक प्रभा  उगवावी

लक्ष्मीपूजन

 लक्ष्मीची पावले अंगणी सदा पडावी

सुख समृध्दी अन् समाधानाने

ओंजळ सदा भरावी.

सोबतीला सरस्वतीचा वरदहस्त लाभावा.

लक्ष्मी पूजनाच्या मंगलदिनी

घराघरातील लक्ष्मीचा सन्मान घडावा

दिवाळी

 संपू दे अंधार सारा

अन् नव तेजाने प्रत्येक दिशा उजळावी

सुख समृध्दी अन् समाधान घेऊन

प्रत्येक घरी दिवाळी यावी

धनत्रयोदशी

 धनाची सधनता अन् मनाची श्रीमंती

लक्ष्मीच्या पावलांनी सुख समृध्दी येवो दारी.

मना मनातील अंतराचा भेद मिटून जावा.

धनत्रयोदशीच्या दिवशी

ठेवा माणुसकीचा जपावा.