आयुष्य

 पदर खोचून सज्ज राहा

हसत हसत लढण्यासाठी सदा.

आयुष्य सुद्धा तुझ्यावर

होईल बघ फिदा.

         आराधना

मशाल

हृदयात पेटणारी

धगधगती ती मशाल.

 गावी वेदनेच्या, सुखाने

नांदा तुम्ही खुशाल.

            आराधना

नवा सूर्य

 तुझा नवा सूर्य अन्

तुझे नवे आभाळ.

तुझ्या नव्या आयुष्यात येवो

रोज नवी सकाळ.

              आराधना

तुळस

 सदा फुलू दे तुळस

देवा माझ्या अंगणात.

सुख समृध्दी, समाधानाची

नित्य व्हावी बरसात.

              आराधना

नशीब

 बऱ्याच गोष्टी शिकायच्या राहून गेल्या.

काही वेचायच्या तर काही फुलायच्या राहून गेल्या.

आता वाटतंय वेचाव्या , शिकाव्या त्या गोष्टी.

पण नशिबाने आयुष्याच्या दोऱ्याच कापून नेल्या.

                    आराधना

मैत्री

 हक्काने काहीतरी मागावं

अन् मागितलेलं दान

अलगद झोळीत पडावं.

मैत्रीचं नातं

यापेक्षा वेगळं काय असावं

.       आराधना

श्वास

 श्वासा श्वासावर नाव

आनंदाचे कोरा.

तुमच्या माझ्या जगण्याचा

नित्य व्हावा नवा सोहळा.

               आराधना

संवाद

 नाकावर नसावा राग.

ओठांवर असावं हासू.

तेव्हा कुठं संवादाचे पक्षी.

आजुबाजुला लागतात बसू.

               आराधना

चिमण्या

 चिवचिवणाऱ्या चिमण्या

अंगणात क्षणभरच खेळतात.

आल्या आल्या म्हणता म्हणता.

भुर्रकन उडून जातात.

                  आराधना

आयुष्य

 चार दिवसाचं आयुष्य

छान हसत हसत जगायचं.

सुगंधी आठवणी मागे ठेवून

एक दिवस निघून जायचं7

मैत्री

 आयुष्यरुपी कुपीतील

सुगंधी अत्तर म्हणजे मैत्री.

डोळे झाकून विश्वास ठेवावा

असं हक्काच माहेर म्हणजे मैत्री.

धागा धागा विणत जातो.

संवादाच्या क्षणांनी

मैत्रीचा मार्ग फुलत जातो.

साथ देते ती मैत्री.

हात देते ती मैत्री.

आयुष्यभर मित्रासाठी जळत राहते.

अशी समई तील वात म्हणजे मैत्री.

म्हणूनच जपूया 

हा मैत्रीचा अनमोल ठेवा.

तेव्हा कुठं अनुभवता येईल

मैत्रीतील सुखद गारवा.

             आराधना

मैत्री

 हवं तेव्हा हवं तितकं,

मनसोक्त बोलता यावं.

प्रत्येकाच्या आयुष्यात,

मैत्रीरुपी पान सतत,

हिरवाईने भरलेलं असावं.

       आराधना

पाऊल

 आज अडखळनारी पावलं तुझी

उद्या तुलाच साथ देतील.

रडशील ,पडशील ,धडपडशील तेव्हा

नव्यानं पुन्हा तीच तुला उभ करतील.

                     आराधना

प्रेम

 अंतरात रुजलेल्या प्रेमाला,

शेवटच्या श्वासापर्यंत जपायचं.

कुणी होवो न होवो आपलं,

आपण मात्र त्याचचं होऊन जगायचं.

                        आराधना

प्रारब्ध

 प्रारब्धाच्या पाऊलखुणा

अलगद पुसता येत नाहीत.

नशीब दगा देतं म्हणून,

नशिबावर रूसता येत नाही.

                  आराधना

दीपावली पाडवा

 

पणती

 नाही होता आलं

सूर्य तरी,

छोटी पणती बनावं.

मिणमिणत्या प्रकाशात तिच्या,

सारं जग उजळून निघावं.

                 आराधना

लक्ष्मी पूजन

लक्ष्मीच्या पावलांनी

सुख यावे दारी

सुख संपत्ती, समाधान,आरोग्य

नांदू  दे अखंड तुमच्या घरी.

                    आराधना

धनत्रयोदशी

 इथं धनाचा लोभ कुणाला

प्रेमाची नाती जपायची.

धनत्रयोदशीच्या निमित्ताने

 माणूस रुपी पूंजी पूजायची.

            आराधना

वसुबारस.

 अंतरात खोल खोल

एक दीप उजाळावा.

चैतन्याने त्याच्या

नवविचारांचा  उदय व्हावा

              आराधना

बंध

 तुटायचे ते बंध रेशमी

तुटूनीया गेले.

डोळ्यांमधले हसरे मोती

गळूनीया गेले.

         आराधना

पाऊल

 रात्र अंधारी आहे.

सावध होऊन पाऊल टाक.

दूर क्षितिजाच्या पलिकडे तेव्हाच

तुझी ऐकू जाईल हाक.

           आराधना

काळोख

 गर्द भयाण काळोखाला

कापीत तुजला जायचे आहे.

आयुष्याच्या या पाटीवर

चित्र सुरेख रेखायचे आहे.

            आराधना गुरव

मायाजाळ

 कोण जाणे आयुष्याची

कधी होईल संध्याकाळ.

व्यर्थ कशाला गुंफायचे मग

वेदनांचे मायाजाळ.

    आराधना गुरव

चिता

 मरण पाठीशी बांधून फिरतो

भिती कशाची वाटतं नाही

धगधगत्या चितेची ज्वाला

नव्याने जगण्याचे बळ देई

                  आराधना गुरव

मौन

 कधी कधी स्वतः च

मौन धारण करावं.

आत्मटीकेच्या हातोडीन

स्वतः लाच फोडून घ्यावं.

                 आराधना गुरव

आभास

 आभासी दुनियेतील

धुकं दूर झालं की

वास्तवाचा लख्ख प्रकाश

आपोआप समोर येतो.

                       आराधना गुरव

मन

मन जेव्हा शांत राहा

म्हणत ना ,

तेव्हा त्याला

शांत राहू द्यावं.

त्याचं त्यालाच

आतल्याआत

अलगदपणे उमलू द्यावं.

                आराधना गुरव

विश्वास

 विश्वास ठेव पंखावर

अन् सामर्थ्य भर मुठीत.

एवढं मोठं आभाळ ही

मग मावेल तुझ्या मिठीत.

              आराधना गुरव

          

मन

सोबत असण्याने किंवा नसण्याने,

फरक कधीच पडत नसतो.

मनं एक झाली की मग,

सगळा भेद आपोआप

गळून पडत असतो.

             आराधना गुरव

सहवास

सहवासाच्या सुगंधी फुलांनी,

आयुष्य आपलं सजवायच.

हसत, खेळत आयुष्यात,

आनंद वाटत राहायचं.

                    आराधना गुरव