नूतनवर्षाभिनंदन

 नव्या वर्षातील रंग नवे

नव्या आकांक्षा अन् स्वप्न नवे.

नव्या स्वप्नांच्या पूर्तीसाठी

मनात लढण्याचे बळ हवे.

सामर्थ्याने पंख पसरून

उंच आकाशी झेप घ्यावी

नव्या पर्वाचा स्वागताला

प्रत्येक उषा सज्ज व्हावी

आयुष्य

आयुष्यातील एक एक पान

हळूहळू पलटत राहत.

मनाच्या आभाळात मात्र

अखंड आठवणींच येणं जाणं सुरू राहत.

धागा

 कधी कधी नकारात्मकतेच्या धाग्यातही

खूप सकारात्मकता दडलेली असते.

बघणारा त्या प्रत्येक गोष्टीकडे कसा बघतो

यावरच तर  भविष्याची पायवाट ठरत असते.

    

ओंजळ

 आयुष्य जेव्हा हलकेच

ओंजळीत विसावू पहात

तेव्हा त्याला खरंच विसावू द्यावं.

त्याला नक्की काय हवं आहे हे

त्याचं त्यालाच शोधू द्यावं

शेवट

 एखाद्या गोष्टीचा झालेला शेवट ही

कधी कधी नवीन चांगल्या गोष्टीची सुरवात ठरते.

नव नव्या वाटा चोखंदळपणे हाताळण्याची

जणू आयुष्यचं तुम्हाला संधी देते

कवडसा

 अंधारल्या भूमीतही

एक कवडसा हळूच हसतो.

अंधाराला गिळून अवघ्या

सामर्थ्याची ज्योत पेटवतो

    

मन

 घोंघावणार वारं सुद्धा

माझ्या जवळ आलं की शांत उभ राहत.

माझ्या सारखच त्यालाही जणू

माझं भिरभिरनार मन कळत.

गुलमोहर

 चारी बाजूंनी वैशाख असला तरी

गुलमोहरासारख मनसोक्त बहराव

 सकारात्मकतेच्या एका विचाराने

अवघ्या आयुष्याच सोनं व्हाव.

वाट

 खुंटलेल्या वाटा अन् विझलेले आधराचे दिवे

 खरच खूप काही सांगून जातात.

तुझी पायवाट तूच उजळवण्यासाठीच जणू

त्या वाटा स्वतः ला गोठवून घेतात.

पावलं

 पावलांनाही मी आता बजावलय

थकून चालायचं नाही

मनात कोरलेल स्वप्न सत्यात उतरवल्याशिवाय

मागे फिरायच नाही

तुषार

 पेरीत जावे रोज नव्याने

आनंदाचे तुषार

तेव्हा कुठे थांबवता येतो

आयुष्याचा होणारा बाजार

कवडसा

 कुठून तरी एखादा 

हलकासा कवडसा येतो.

अन् युगायुगांचा अंधार

 क्षणात नाहीसा होतो.

सकाळ

 रोजची नवी सकाळ

नवा सुगंध उधळीत येते.

 थांबायचं नाही तुला

 पुढे चालायचं आहे 

जणू हेच सांगून जाते

स्वप्न

 दिवस येतात तसे जातात

प्रत्येक दिवसाची नवी

सुरवात करून देतात.

प्रत्येक दिवसाकडे असच सकारात्मकतेने पहायचं

भविष्याच सोनेरी स्वप्न अखंड

 मनातफुलवत राहायचं

इतिहास

 काही गोष्टी अशा असतात

ज्या खरंच तुमचं अख्खं 

जग व्यापून टाकतात.

ध्येयापर्यंत जाण्याची प्रेरणा देऊन

तुमच्या ही नकळत तुमचा नवा इतिहास

लिहीत राहतात

शिडी

दुसऱ्याची शिडी घेऊन यशाची शिखरं

 चढणाऱ्या पावलांपेक्षा

स्वतः चा मार्ग स्वतः च शोधत रहायचा असतो

त्यानंतर मिळालेल्या यशाचा सुगंध मात्र

आपोआप चोहीकडे पसरतो

बियाण

 आयुष्यात उजेड यायचा असेल तर

आधी उजेडाच बियाण पेरावं लागतं.

 उगवत्या सूर्याच तेज

तेव्हाच तुमच्या मुखावर चमकत

ध्येय

 ध्येय जितकं सुंदर असेल

तितकाच सुंदर त्या ध्येयापर्यंतचा प्रवास ही असावा.

त्या वाटेवरील प्रत्येक क्षण

इतरांसाठी प्रेरणादायी ठरावा

रंगमंच

 आयुष्याच्या रंगमंचावरचा

प्रत्येक रंग वेगळा असतो.

आपण फक्त प्रत्येक रंगात 

छान रंगून जायचं.

रंगपंचमीच्या दिवसाचा आनंद

प्रत्येक क्षणी घेत राहायचं

पाझर

 शब्दांना नुसता बहर येऊन चालत नाही

तिथे भावनांचा ओलावा ही जाणवावा

कळायचं म्हणल तर नुसत्या विचाराने ही

डोळ्यांना पाझर फुटावा

नवी आशा

 जगणे उन्हाळताना

बंद झाल्या जरी दाही दिशा

आपली आपणच फुलवत राहायची

नवी स्वप्ने अन् नवी आशा.

वेळ

 वेळ कुठे थांबते कुणासाठी

आपणही तिच्या प्रवाहाबरोबर

पुढे चालत राहायचं.

मनातलं ध्येय पूर्ण होईपर्यंत

आपल काम प्रामाणिकपणे करत राहायचं

शिवप्रताप दिन

 शिवरायांच्या दृढ निश्चयाची

साक्ष सह्याद्री देत असे.

प्रतापगडाचा पायथा ही मग

अभिमानाने फुलून येत असे.

तलवारीच्या पात्यास बघून

शत्रू थरथर कापीत असे.

शिवरायांचे मावळे आम्ही

अन्याया विरुद्ध लढता लढता

पंचप्राण देऊ आमचे

शब्द

 शब्द जिंकायला हवा.

शब्द पेलायला हवा.

शब्द सारी गुतांगुत

शब्द मनीचे हितगुज

शब्द मनात राहण्या

शब्द सावराया हवा.

गाणे

 आयुष्य हे सुख दुःखाचे गाणे व्हावे.

रात्रीच्या गर्भात जणू चांदणे फुलावे.

पडता पडता, रडता रडता

प्रत्येक थेंबाचे जणू फूल बनावे.

दाद

 वेदनांच्या गाण्यातून ही

सुखाची मस्त तान मारता आली पाहिजे.

क्षण कसा का असेना

आयुष्यातील प्रत्येक क्षणाला

मनमुराद दाद देता आली पाहिजे

शब्द

 शब्द कसा का असेना

त्या प्रत्येक शब्दाचा सन्मान व्हावा.

ओठी उमटणाऱ्या प्रत्येक शब्दातून

सरस्वतीचा हुंकार ऐकू यावा

वसंत

 मनातील वसंताला

तुलाच आता सतत बजावत राहायचं आहे.

किती ही होऊ दे पानगळ

तुला पुन्हा नव्याने बहरायच आहे.

संघर्ष

 संघर्ष दुसऱ्याशी करण्यापेक्षा

जेव्हा आपल्याच मनाचा आपल्या

 मनाशी संघर्ष घडतो

आपल्या प्रगतीचा मार्ग मग

आपला आपल्यालाच गवसतो

आव्हान

 घाव मिळतात ही अन् घाव भरतातही

काही ना काही पाऊलखुणा मागे उरतात  तरी ही 

त्या प्रत्येक पाऊलखुणापासून काहीतरी सकारात्मक शिकायचं.

आयुष्यातील प्रत्येक आव्हान हिमतीनं पेलायचं

घाव

 काही घाव असे असतात की जे

खरंच तुम्हाला सुंदर बनवतात.

कुरूप तेच्या साऱ्या बेड्या तोडून

तुम्हालाच अद्वितीय बनवून टाकतात