जगणं

 नाही जगता येत मनासारखं कधी कधी

म्हणून जगणं सोडायचं नसतं.

निसटून गेलेलं पकडण्याच्या नादात

हातात असलेलं गमवायच नसतं.

                            आराधना

प्रयत्न

 प्रामाणिकपणे प्रयत्न करत गेलं की

यश आपोआप मिळत जातं.

अवघड वाटणार स्वप्नही मग

सहजपणे साकार होतं.

                   आराधना

नाती

 बेगडी नात्यांच्या दुनियेतून

थोडंसं बाहेर येऊन पाहिलं की

जगाची नव्याने ओळख होते

आणि जग अधिकच सुंदर वाटू लागत.

सामर्थ्य

 स्वसामर्थ्याने उडायचे असेल तर

पंखात बळ भरायलाच हवं.

यशाचं शिखर गाठायचं असेल तर

वाटेतील काट्यांना ही फुलं समजून

अलगद दूर सारायला हवं.

ओझं

पुस्तकाच्या पाना पानावर

आठवांच ओझं दडलेल असतं.

त्यांना पेलता पेलता

आयुष्य सरून जातं

वाट

 ध्येयवेडी पावले

चालली आता पुढे पुढे.

वाटेतील काटेही भासती

जणू फुलांनी पसरलेत सडे.

वाट

 वाट बनतं जाते कधी कधी अवघड

म्हणून चालणं सोडायचं नसतं.

वाटेत येणाऱ्या प्रत्येक प्रसंगाला

जिद्दीने तोंड द्यायचं असतं.

स्वप्न

 अडचणींचे डोंगर पार करत

पुढेच जायचे आहे.

भविष्यातील स्वप्नांना

मुठीत घ्यायचे आहे.

अनुभव

 अनुभव शिकवत असतो खूप काही

पण आपणच शिकत नाही.

नंतर मात्र यातून सावरण्यासाठी

अख्खं आयुष्यही पुरत नाही.

                      आराधना

विश्वास

 विश्वास आणि अविश्वास फरक फक्त

एका अक्षराचा आहे.

ते अक्षर जोडलं की सारी नाती तुटून जातात

आणि ते अक्षर काढून टाकलं की

नवी नाती निर्माण होतात.

काय करायचं आणि कस वागायचं 

जोडायच की तोडायच

ज्याचं त्यानेच ठरवायचं.

पाऊलखुणा

 प्रसिद्धीच्या पाऊलखुणांसाठी

प्रयत्नांची पावले योग्य दिशेने टाकावी.

तेव्हा कुठे होते

आयुष्यभर पुरणारी समाधानाची कमाई.

                                      अर्नदिप

समाधान

 समाधानाची व्याख्या प्रत्येकाची वेगवेगळी असते.

कधी दुसऱ्याला देण्यात तर कधी दुसऱ्याच ओरबाडून घेण्यात ती लपलेली दिसते.

देण्यात जे समाधान आहे ते ओरबाडून घेण्यात नाही.

म्हणूनच आजही अमर आहे संतांची अभंगवाणी

                                      अर्नदिप

आयुष्य

 कोणत्या दिशेने जावं आणि कुठं थांबावं

हे ज्याचं त्यालाच कळाव.

ज्याचं त्याचं आयुष्य

ज्याला त्यालाच सावरता यावं

                           अर्नदिप

विश्वास

 विश्वास पक्का असला की

ग्रह तारे सुद्धा साथ देतात.

यशाच्या सुगंधी फुलांनी

आपली ओंजळ भरुन टाकतात.

भाग्य

 भाग्य ठोठावत असतं दरवाजा

पण तेव्हा आपली दारे बंद असतात.

आणि आपण जेव्हा दारे उघडतो

तेव्हा नशिबाचे फासे उलटे पडलेले असतात.

                                   अर्नदीप

यश

 यशरुपी किरणांची पखरण

आता रोजच दारात होते.

माझ्या प्रामाणिक आणि अथक प्रयत्नांची

जणू पोहोच पावती देते.

                          अर्नदिप

ध्येय

 ध्येय योग्य असलं की

मार्ग आपोआप तयार होतो.

अनंत अडचणींचा डोंगर तेव्हा

इवल्याशा टेकडी एवढा वाटतो.

                             अर्नदिप

वाट

 अवघड वाटेने जाताना

थोडा त्रास होणार.

पण यशाच शिखर

अशा वाटेने गेल्यावरच मिळणार.

                         अर्णदीप

    

चार ओळी

 चार ओळी तुमच्यासाठी

लिहिताच नाही आल्या.

शब्द ही झाले कातर

अन् पापण्या ओल्या झाल्या.

 बाग गेला सुकून

आता बहर मागवा कोणाकडे

बहरण्यासाठी अमृत देणारा

झरा च आटून गेला.

पुन्हा नव्याने फुटो पालवी

अन् बहर पुन्हा तो येवो.

विचार सुमनानी तुमच्या

आमचा कणकण गंधित होवो.

                         अर्नदिप

आघात

 होत राहतात आघात मनावर

आतून अन् बाहेरूनही.

ऐरणी सारखं कणखर बनायचं.

येणाऱ्या प्रत्येक आघाता ला

तितक्याच ताकदीने सामोरं जायचं.

                               अर्नदिप

संधी

 वाट्याला येईल ते आयुष्य

हसत हसत जगावं.

अन् येणाऱ्या प्रत्येक क्षणाकडे

एक संधी म्हणून पहावं.

                       अर्नदिप

संधी

 आयुष्य संधी देत असतं

आपण फक्त त्याचं सोनं करायचं.

अस्सल खणखणीत नाण्यासारख

कुठंही पडलं तरी वाजत राहायचं.

                               अर्नदिप

आनंद

 आनंद वाटायचा.

आनंद लुटायचा.

परिस्थिती कोणतीही असो

तिचा आनंदाने स्वीकार करायचा.

                            अर्नदिप

नाती

 ज्या गाठी सोडवून सुटत असतात

त्या कधी कापून टाकायच्या नसतात.

मायेची आणि आपुलकीची फुंकर घालून

त्या अलगदपणे पुन्हा विणायच्या असतात.

                                   अर्नदिप