आभाळ

 निसटून गेलं आभाळ तरी,

लढणं तुझ्या हातात आहे.

नवं आभाळ निर्माण करण्याचं,

सामर्थ्य तुझ्या मुठीत आहे.

                  आराधना गुरव

प्राजक्त

 प्राजक्ताचा सडा बघून

सहजच मनानं ताडलं.

माझ्यासारखंच त्याचही मन

आजसुद्धा रडलं.

                       आराधना गुरव

स्वप्न

 विखुरलेल्या पंखांना,

अलगद गोळा करायचं.

नवी स्वप्ने, नव्या आशा घेऊन

पुन्हा उंच उंच उडायचं.

             आराधना गुरव

मन

 न बोलताही,

सगळं कळून जातं.

मनाचं नातं,

मनाशी जुळून जातं.

शब्द नसले साथीला

तरी सारं काही 

उमजून जातं.

प्रेमाचं नातं असचं

अचानक जुळून जातं.

 आराधना गुरव

खंत

 खंत नको जगताना,

बाळगू त्या दुःखाची.

त्याच्या साथीनेच होईल,

बरसात पुन्हा सुखाची.

       आराधना गुरव

रात्र

रात्र झोपली तरी, 

चांदणं अजुन जागचं आहे.

रात्रीला तिच्या मधला,

एक प्रहर मागत आहे.

            आराधना गुरव

तू आणि मी

 तू आणि मी म्हणजे,

दोन समांतर रेषा.

वाट एकच आपली,

पण वेगळ्या आपल्या दिशा.

         सौ. आराधना गुरव

 

विजया दशमीच्या 

सर्वांना खूप खूप शुभेच्छा

यश

 हारू नकोस इतक्यात,

अजून आभाळ बाकी आहे.

तुझ्या यशाने मोहरणारी,

संध्याकाळ बाकी आहे.

               सौ. आराधना गुरव

हारलीस तरी चालेल

 हारलीस तरी चालेल

पण लाचार होऊ नकोस.

मेलीस तरी चालेल

पण कुणाची शिकार होऊ नकोस.   १

वखवखनाऱ्या नजरा

शोधत राहतील तुला.

मोहाच्या एका क्षणापायी

घायाळ होऊ नकोस.  २

पैसा, प्रसिध्दी, यश

सारं सारं खुणावेल तुला.

कांचन मृगाच्या या जाळ्यात

अलगद फसू नकोस.    ३

तुझं अस्तित्व तूच.

तुझं कर्तृत्व तूच.

तुझा अभिमान तूच.

अन् तुझा स्वाभिमान पण तूच.

म्हणूनच.... राहा सतर्क

वेळ पडली तर

उचल शस्त्र.

तुझ्या उज्ज्वल भवितव्यासाठी

मायाजाळात  फसू नकोस.

खरचं.... हारलीस तरी चालेल.

पण लाचार होऊ नकोस.

         सौ. आराधना गुरव

आयुष्य

 तुझ्या माझ्या आयुष्यातील

संघर्ष अटळ आहे.

स्नेहरुपी नात्यामधलं

वादळ अटळ आहे.

                   आराधना गुरव

आयुष्य

 प्रत्येकाच्या आयुष्यात एक

पान हळवं असतं.

मनाच्या खोल कोपऱ्यात त्याला

हळूवारपणे जपलेलं असतं.

                 आराधना गुरव

वेदना

 वेदनांनो या तुम्हाला,

गूज काही सांगते.

वेदनेतून माझ्या,

नवी कविता जन्मते.

                आराधना गुरव

माणूस

 डोक्यावर आभाळ आहे.

पायाखाली आहे जमीन.

माणूस म्हणून जगण्यासाठी,

आणखी काय पाहिजे नवीन.

                       आराधना गुरव

अर्थ

 जो तो आपलं आपलं

आयुष्य जगत असतो.

सोयीनुसार नात्यांमधले

वेगवेगळे अर्थ काढत असतो.

                    आराधना गुरव

नशीब

 नशीब नसते तळहातात.

नशीब नसते ललाटावर.

नशिबाचे धागे विणले जातात.

घामाच्या थेंबाथेंबावर .

                आराधना गुरव

आई

 आई जगात आहे तोपर्यंत,

झोपून घ्यावं तिच्या कुशीत.

आई सारखं सुख मिळत नाही,

इतर कुणाच्याच मिठीत.

                    आराधना गुरव

 

पहाट

 धुक्यात न्हाऊन गेली,

पहाट आज ओली.

वाटे जणू ढगांनी,

चादर अच्छादली.

               आराधना गुरव

नाती

 माझं आणि आपलं,

काय फरक असतो?

माझं माझं म्हणण्याने,

तुटतात गाठी.

आपलं म्हणण्याने,

जुळतात नाती.

              सौ. आराधना गुरव

दान

 दान जन्माच मिळता,

जन्म सार्थक करावा.

प्रेम द्यावे असे जगा,

हेवा साऱ्यांना वाटावा.

                 सौ. आराधना गुरव

 

जन्म

 

पाऊलखुणा

 प्रसिद्धीच्या पाऊलखुणा,

सहजासहजी उमटतं नसतात.

प्रयत्नांचे डोंगर त्याला,

अव्याहतपणे फोडावे लागतात.

                          सौ. आराधना गुरव

नातं

 भावनांचा हळूवार दरवळ,

काळीज चरचर कापत जातो. 

विखुरलेल्या नात्यांनाही,

अलगद जवळ घेऊन येतो.

                           सौ. आराधना गुरव

समाधान

 काल एकाने विचारलं,

समाधान म्हणजे काय?

मी पण हसत हसत उत्तर दिलं,

जिथं खाली घालावी लागत नाही मान,

तिथं मिळतं खरंखुरं समाधान.

                          सौ. आराधना गुरव

आयुष्य

 चार दिवसाचं आयुष्य

हसत हसत जगायचं

सारं इथच ठेऊन

एक दिवस निघून जायचं

                       सौ. आराधना गुरव

जीवन

 जीवन तुझं तुझ्यासाठीच.

व्यर्थ का झुरायचं.

आयुष्याच्या इंद्रधनुष्यात ,

हसत खेळत रंगून जायचं.

                सौ. आराधना गुरव

स्त्री

 स्त्रीत्वाच्या पाऊलखुणा,

ती हळूवारपणे जपत होती.

भावनांचा गोंधळ सांभाळताना,

मनामनाचं ओझं पेलतं होती.

                 आराधना गुरव

प्रकाश

 दूर होईल धुके,

मोकळे होईल आकाश.

उद्या नक्कीच पसरेल,

तुझ्या सामर्थ्याचा प्रकाश.

               आराधना गुरव