विश्वास

 विश्वासाने जोडलेली नाती

फक्त विश्वासावर च टिकून राहतात.

एकदा का विश्वास तुटला की

फक्त नात्यांच्या समिधाच हाती राहतात.

                                        अर्नदिप

ज्योत

साथ देणाऱ्या अन् न देणाऱ्या

साऱ्यांच्याच वाटा उजळून द्यायच्या.

भडकायला आपण टेंभा थोडी आहोत?

निरांजनातील मंद अन् शांत ज्योत बनून

अखंड प्रेमाच्या ज्योतीच फुलवायच्या

                                           अर्नदिप

वाट

 ज्याला खरच ध्येय गाठायच आहे

त्यालाच वाट दाखवण केव्हाही चांगलं.

आणि ज्याला खड्ड्यात पडायचं च आहे

त्याला जास्त समजावत न बसता

त्याच्या पासून लांब राहणं चांगलं.

नाहीतर त्याला मार्ग दाखवता दाखवता

आपण भरकटून बसतो.

तो तर बुडतो च सोबत

आपल्या लाही घेऊन बुडवतो.

                                              अर्नदिप

ध्येय

 ध्येयासाठी झपाटण काय असतं

हे वेड झाल्याशिवाय कळत नाही.

आणि वेड होऊन काम केल्याशिवाय

इतिहासाच्या पानावरती आपलं नाव उमटतं नाही.

                                             अर्नदिप

होळी

  राग, लोभ रुसवा सारा आज दहन करूया.

नाते जपुया स्नेहाचेअन् प्रेमाने विश्वास वाढवूया.

इंद्रधनूशी रंगांनी परस्परांचेआयुष्य सजवूया.

हर्षित मनाने होळीचा सण साजरा करू या.

                                              अर्नदिप

मोठेपणा

 कुणी कुणाला मोठं करतो म्हणून

कुणीच कधी मोठं होत नसतं.

मोठं व्हायचं असेल तर

स्वतः च आत्मटीकाकार बनून

मनात अखंड खोदत जावं लागतं.

                                 अर्नदिप

                                

दिवा

 काळयाकुट्ट अंधारात वाट शोधण्यासाठी

चाचपडत, खुरडत का बसायचं.

स्वतःच बनायचं दिवा

अन् इतरांना मार्ग दाखवत राहायचं.

                                     अर्नदिप

हसू

 एवढ्याश्या या आयुष्यात

फक्त एकच करायचं.

आयुष्यात येणारी प्रत्येकाच्या चेहऱ्यावर

त्याचं हसू बनून झळकायच.

                               अर्नदिप

सुख

 आयुष्यातील कठीण काळ 

हसत हसत घालवला की

भविष्यात येणारा प्रत्येक दिवस

सुखाची पखरण करत आणि

हास्याचे तुषार उडवत उगवतो.

                         अर्नदिप

काळ

 कोण जाणे काळ कधी येईल.

अलगद तुजला घेईन जाईल.

क्षण क्षण मग का झुरायचे?

हाती लागेल आयुष्य जितके

तिथं आनंद वाटतं राहायचे.

                              अर्नदिप

आयुष्य

 क्षणाक्षणाने उमलत जावे.

कणाकणाने बहरत जावे.

आयुष्यातील प्रत्येक क्षणावर

मनापासून प्रेम करावे.

नकोच गुलामी भावनांची

अन् नकोच चाकरी वेदनांची

सप्तरंगी आयुष्याला

इंद्रधनू बनवीत जावे.

आवुष्यातील प्रत्येक क्षणाला

हसत हसत उत्तर द्यावे.

                           अर्नदिप

                    

नातं

 तोडण त्याच्या हातात असलं तरी

आपण मात्र जोडत राहायचं.

प्रेमाच्या वर्षावात अखंड

प्रत्येक नातं फुलवत राहायचं.

                            अर्नदिप

वाट

 अजुनी चालतेची वाट,

 विश्रांती स्थळ यायचे आहे.

नकाच अडवू मजला आता,

अवघे आकाश मुठीत घ्यायचे आहे.

                                     अर्नदिप

प्रेम

 काही करता नाही आलं तरी,

माणसानं किमान मन तरी मोठं करावं.

मित्र असो, शत्रू असो, सखा असो, वैरी असो

सगळ्यांवर सारखचं प्रेम करायला शिकावं.

                                       अर्नदिप

सामर्थ्य

 सामर्थ्य असतं आपल्या मुठीत

प्रत्येक आव्हान पेलण्याचं.

फक्त थोड तंत्र आत्मसात कराव लागत

वेदना हसत हसत झेलण्याचं.

                                   अर्नदिप

आयुष्य

 आयुष्यातील प्रत्येक क्षणी

हसायला शिकल पाहिजे.

वाट्याला जसं येईल आयुष्य

तसं ते जगायला शिकल पाहिजे.

                                अर्नदिप

पानगळ

 शिशिरातील आजची पानगळ म्हणजे,

वसंतातील नव्या बहराची चाहूल.

आयुष्यातील एखाद्या गोष्टीचा शेवट म्हणजे

अशाच नव्या सुखद गोष्टीची

सूरवात करणार पाहिलं पाऊल.

                                       अर्नदिप

सज्ज व्हायच

 हातातून निसटून गेलेल्या

मुठभर वाळुसाठी

रडत का बसायचं.

पुन्हा नव्याने मूठ भरण्यासाठी

नव्या जोमाने अन्

नव्या उत्साहाने हसत हसत सज्ज व्हायचं.

                             अर्नदिप

दगड

 आयुष्यात दगडाकडूनही

खूप काही शिकता येतं.

ऊन, वारा, पाऊस असे

टक्केटोणपे सहन करतही

आयुष्य स्थितप्रज्ञ रीतीने 

जगता येत.

                   अर्नदिप

आठवण

 आयुष्यात येणाऱ्या प्रत्येक माणसाशी

माणुसकीचे बंध जपावे.

नदी, झाड अन् सूर्यासारखे

निस्वार्थ भावनेने फक्त देत जावे.

कुणी ठेवेल आठवण ,कुणी जाईल विसरून.

आपण मात्र फक्त आपल कर्तव्य करत राहावे.

अन् प्रत्येकाच्या मनात एक 

सुखद आठवण बनून

आयुष्यभर घर करून राहावे.

                             अर्नदिप

आयुष्य

 आयुष्यातील कठीण काळात सुध्दा

ढळू द्यायचं नाही चित्त.

मगच शांतपणे विचार करत

आयुष्य जगता येत बिनधास्त.

                  अर्नदिप

नाती

 राग, लोभ, माया, पाश

सारे मोह गळून पडतात.

मनाची नाती मनाशी

जेव्हा आतून जुळून येतात.

                         अर्नदिप

आभाळ

रडत रडत आयुष्य जगलीस तर

आयुष्याशी होईल संध्याकाळ.

जरा आजूबाजूला नजर टाकून बघ

तुला कवेत घेण्यासाठी तयार आहे

एवढं मोठं आभाळ.

वाट

 अवघड वाटेवर चालल्यानेच

पाय घट्ट होतात.

इतिहासाच्या पानावरती

अशा माणसांचीच

नावे कोरली जातात.

महिला दिन

 नवीन स्वप्ने, नवीन आशा

क्षितिजावर जाण्याची मनीषा

तुझ्या कर्तुत्वाने उजळू दे

चराचरातील दश दिशा.

पाऊलखुणा

मोह, माया अन् संकटाना

अलगद तू दूर कर.

उठवत जा तुझ्या पाऊलखुणा

भविष्याच्या रस्त्यावर.

                    अर्णदिप

आत्मविश्वास

 सगळं मनासारखं होईलच असं नाही

रोजचा दिवस तुझा असेलच असं नाही.

धर हिम्मत अन् फक्त लढत राहा.

तुझ्यातला आत्मविश्वास तुलाच

आता जगा करायला हवा

झाडं

 तुझं माझं आपल्यात असं

काहीच वेगळं नसावं.

झाड अन् मातीसारखं

आपण एकमेकांत रुजून जावं.

                               अर्णदिप

वणवा

 वादाचा वणवा पेटू लागला की 

मौनाचं पाणी घेऊन

निवांत शिंपडत राहावं.

वणवा आपोआप शांत होतो.

सकाळ

 खळखळून हसवणारी सकाळ

रोज उगवेलच असे नाही.

क्षितिजाकडे झेपावणाऱ्या पावलांना

प्रत्येकवेळी दिशा दाखवणार कुणी

भेटेलच असे नाही.

आपण आपल एकचं करायचं.

मातीत पाय रोवून घट्ट उभ राहायचं.

 अन् आलेल्या वादळाला हसत हसत पीत राहायचं.