गणेशोत्सव

 झेपावया क्षितिजाकडे

पंखात या बळ दे नवे.

सामर्थ्य दे तू चहूबाजूंनी

कुणी असो नसो

सदा संगतीला

धरून चलती जे सन्मार्गाला

हे गणराया तू 

साथ दे तयांना.

स्वातंत्र्य दिन

 जगणे आमचे अर्पण भारता

मरणे आमचे अर्पण भारता

जगण्या मरण्या मधले अंतर

ते ही अर्पण फक्त भारता.

तिरंगा आमचा फडकत राहो

राष्ट्रगीत ते सदा निनादो

सर्वस्व आम्ही आमचे वाहू

सदैव तुजला भारत देशा

जगणे आमचे अर्पण तुजला

मरणे आमचे अर्पण तुजला

मैत्री

 हवं तेव्हा हवं तितकं

मनसोक्त बोलता यावं.

प्रत्येकाच्या आयुष्यात

मैत्री नावाचं पण

सदैव हिरवाईने नटलेलं असावं

मैत्री

 हवं तेव्हा हवं तितकं

मनसोक्त बोलता यावं.

प्रत्येकाच्या आयुष्यात

मैत्री नावाचं पण

सदैव हिरवाईने नटलेलं असावं

उत्सव

 हिरवाईच्या उत्सवात बहरता येतं

तसचं वैशाखात ही बहरता यावं.

प्रत्येक ऋतुत मिळणारं दान

आनंदाने गोड मानता यावं

उत्सव

 बाहेर उत्सव थेंबाचा

आत कोसळती जलधारा.

गूज खोलण्या मनाचे

शब्द धरतात फेरा.

जगणं

 सोडून द्यायला शिकलं की

जगणं सुंदर होऊन जातं.

समाधानाचा सुगंध ते मग

आपोआपच आजूबाजूला पसरवून देतं

 

पायवाट

 प्रकाशाने पायवाट उजळत नसेल तर

आपण स्वतःच दिवा बनावं.

आपल्या बरोबर इतरांचं ही

जीवन उजळून टाकावं