*_भीमराया_*
घायाळ वेदनांना
पंख दिले तू.
मुक्या भावनांना
शब्द दिले तू.
भीम राया ,भीम राया
माझा भीम राया, भीम राया.
अन्याया विरूद्ध
आवाज उठविला.
जनतेचा केला
श्वास मोकळा.
उंच उभारी घेण्या
दिली प्रेरणा.
भीम राया.....
दीन दलितांचा
तू रे कैवारी.
तुझ्या कृपेने
सुटली चाकरी.
आभार मानण्या तुझे
हा शब्द अपुरा.
भीम राया.....
देश क्रांतीची
मशाल पेटली.
उरा मधे सदैव
दिसे प्रगती.
तुझ्या साथीने
हा देश मुक्त झाला.
भीम राया.......
देशसेवेचे व्रत घेतले.
उरी क्रांतीचे रान उठले.
तुझ्या मुळे आम्हां
नवी दिशा भेटली.
भीम राया......
परतुनी ये पुन्हा
जन्म घे नवा.
जागव पुन्हा त्या
नवचेतना.
नव क्रांतीची मशाल
पुन्हा पेटू दे मनी.
भीम राया......
सौ. आराधना गुरव
काव्य संग्रह
श्वास
No comments:
Post a Comment